06.01.2022.

Mbërrijnë në Shqipëri 375 mijë dozat e radhës të vaksinës Pfizer nga BE

Donacioni i vaksinave i cili mbërriti mbrëmjen e djeshme në Tiranë u mundësua nga Portugalia, ndërsa Bashkimi Evropian ka dhuruar gjithsej për Shqipërinë më shumë se 510 mijë vaksina.

TIRANË – Ministrja e Shëndetësisë, Ogerta Manastirliu njoftoi se në vendin tonë kanë mbërritur 375,000 doza të vaksinës Pfizer. Manastirliu shprehet se përgjatë gjithë këtyre 21 muajve të pazakontë në përballjen me pandeminë, mbështetja e Bashkimi Evropian ishte e pakursyer.

Donacioni i vaksinave i cili mbërriti mbrëmjen e djeshme në Tiranë u mundësua nga Portugalia, ndërsa Bashkimi Evropian ka dhuruar gjithsej për Shqipërinë më shumë se 510 mijë vaksina.

 

Postimi i Manastirliut:

Miku i mirë njihet në ditë të vështira. Përgjatë gjithë këtyre 21 muajve të pazakontë në përballjen me pandeminë, mbështetja e miqve tanë të Bashkimit Europian ka qenë e pakursyer. Kanë mbërritur në orët e mbrëmjes në ISHP 375,000 doza të vaksinës Pfizer, një tjetër dëshmi e solidaritetit që na bashkon e na bën më të fortë.”, shkruan Manastirliu në rrjetin social Facebook.